星期四, 9月 04, 2008

匯源果汁和蒙牛乳業

筆者於07年第4季減持30%股票, 並將小部分套現的資金買入匯源果汁和蒙牛乳業, 建立飲品組合, 想重溫筆者當日選擇匯源果汁和蒙牛乳業的理據, 建立組合的過程以及與網友有關匯源果汁和蒙牛乳業的對答內容, 可以睇筆者第2本書"只賺不止蝕2之匯徒的審判"第四章.






筆者認為如果可口可樂能夠成功收購匯源果汁, 對後者係好事. 事實上, 一直以來筆者都認為匯源果汁對產品的包裝, 廣告宣傳手法, 以及產品的推廣, 銷售渠道等方面, 都幾弱下, 極需要改進. 相信可口可樂絕對能夠提升匯源果汁的價值. 事實上, 如果收購成功, 可口可樂在國內的果汁市場, 從百分百果汁, 中濃度果汁, 以及低濃度果汁, 市場佔有率將達至接近40%或以上. 不過正因為如此, 可能涉及《反壟斷法》, 加上匯源果汁屬於國內著名的民族品牌, 有關交易能否得到中國商務部的批准, 存在不明朗的變數以及風險. 筆者認為無必要賺到盡, 沽貨套現再尋找新目標係可行的做法, 筆者也已經如此行動.

另外, 今日睇到有傳聞匯豐有意競投雷曼股權. 筆者絕對反對匯豐收購美資投資銀行. 因為美資投資銀行係使錢的大花筒. 投資銀行唔大使又唔得, 門面要高檔豪華, 否則吸引唔到大客, 員工的薪金和花紅又要高, 否則吸引唔到人才. 聽聞匯豐的管理層出business trip 乘搭飛機係坐經濟客位,但美資投行即使一個低級職員也可以坐商務客位. 筆者曾經參觀過雷曼的辦公室, 當時雷曼係美國運通(AE)的附屬公司, 在太古廣場第一期, 令筆者印象深刻包括有個好漂亮的旋轉樓梯, 連接上下兩層, 牆壁有幅巨型的山水晝, 聽聞係出自某名師的作品, 製作成本超過1000萬, 另外, d老細的office係超大間和豪華. 所以應該做投資銀行的員工而唔好做投資銀行的股東.


9 則留言:

  1. 如果滙豐真的買雷曼,你會唔會放咗D滙豐?

    回覆刪除
  2. 回應閒人 : 咁又未致於要因此而沽匯豐.

    回覆刪除
  3. 我都係想問會唔會有咩情況之下會影響先生的永久組合(減持)~

    近兩日個市都係咁跌, 今日我同同事講:
    "有錢既話可以慢慢買D股票喎, 分段吸納",
    點知我居然比人鬧(而且仲有唔止一個人支持):
    "你依家叫人買, 唔係咁害人啊, 一陣蝕到喊啊"
    我諗起巴菲特既說話...別人好像已經開始恐懼~

    回覆刪除
  4. 回應小窮神 : 只有一個情況會令我減持永久組合, 就係市況升得好瘋狂, 例如07年第4季.

    回覆刪除
  5. 如先生高見, 何吾告之, 那些是內需股的龍頭股呢?

    研書

    回覆刪除
  6. 如果匯控買雷曼﹐我真係會好失望﹐同好想問下管理層﹐係唔係沒其他生意好做﹐要去做投行。。。

    回覆刪除
  7. 關於投資銀行的評論

    我認為「高投資」,「高回報」

    裝修的咁型,人工高,花紅高,因為賺的錢高 (當然依家經濟差賺得無咁多,但經濟好時係要賺定未來錢的。

    正如hsbc 一直沒有認真注視其i-bank業務
    所以一直都無乜氣息一樣

    no pay, no gain
    就係呢個道理

    回覆刪除
  8. 今日2888渣打變左渣兜
    又比人洗,仲要穿左 $200
    非常影響心情...orz

    回覆刪除
  9. 回應研書: 我有研究過的內需股的龍頭股係2319蒙牛.

    回應Ma : 非常同意.

    回應傑斯仔: 高投資係股東, 高回報係員工, 所以如果匯豐唔注重i-bank業務我認為無乜問題.
    回應司空雲音: 市況唔好股價下跌好平常, 2888渣打仍然值得投資.

    回覆刪除