星期一, 7月 21, 2008

市場傳聞中國投資公司擬入股匯豐控股

市場再次傳出中國投資公司擬入股匯豐控股的消息。據英國《每日電訊報》報道,葛霖近月多次會晤內地主權投資公司「中投公司」高層,會談內容相信涉及中投公司入股匯控的事宜。消息指出,由於匯控目前並無額外融資的需要,因此中投公司要入股匯控,便需要通過公開市場,直接吸納匯控股份;毋須效仿花旗、摩根士丹利、RBS等金融機構,發行新股籌集新資金。

對此,匯控發言人並無正面回應,只表示匯控一直銳意擴大股東基礎,包括來自不同地區的投資者,以及對匯控在地區策略發展有重要幫助的投資者。故此,匯控設定年度投資者關係安排,但不適宜就與個別投資者會面而作出評論。事實上,自去年開始,市場一直傳聞中投有意入股匯控,可是始終未有實質進展。

現時匯控股權架構非常分散,主要股東多屬於國際性金融機構,例如雷曼、巴克萊及皇家蘇格蘭銀行等,亦有中東富豪的身影,且通過股票市場進行增持,可是沒有股東持有匯控多於10%權益。市場一直認定,中投公司或早或遲,會策略性持有匯控這隻穩陣的重量級國際金融股。

中國投資公司(全稱中國投資有限責任公司)是依據《公司法》設立的國有獨資公司,公司註冊資本金兩千億美元,負責管理中國2000億美元的外匯儲備。原財政部副部長樓繼偉出任公司的董事長。中國投資公司當前所從事的外匯投資業務以境外金融組合產品為主。

==================================================================================
筆者有話說:

受到中國投資公司擬入股匯豐的傳聞刺激, 匯豐股價今日最高升到125.4, 收市報124.9, 上升4.9元或4.083%, 令到筆者永久組合單靠一隻匯豐市值一日增加超過9萬元, 至於整個永久組合市值今日總共增加超過18萬元. 不過, 經過咁多年在股市裡的磨練, 筆者已經習慣左股價的升升跌跌, 除了市況非常瘋狂的時期, 可以沽出一部分股票, 其餘時間, 包括現在, 維持100%持股, 一股不沽, 筆者認為完全無問題. 投資最重要係選擇好公司, 自然唔怕任何股市風浪.

講番匯豐呢段傳聞, 筆者認為匯豐作為香港最大的發鈔銀行, 也是全球舉足輕重的銀行集團之一, 相信中央好樂意見到多d匯豐股權持有在中國資金手中, 無論係中國投資公司直接入股, 或者開綠燈讓匯豐在國內上市, 都係利多於弊. 對匯豐來講, 由於歷史因素, 匯豐本來在國內的知名度已經唔低, 而無論中國投資公司入股, 或者在國內上市, 係一個賣廣告的好機會, 絕對稱得上係錦上添花. 對國內股民來講, 匯豐不失為一項穩健的投資對象, 相信保險資金以及其他基金應該有興趣將匯豐加入其股票組合內.



台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

7 則留言:

  1. 先生今日增加既18 萬, 已經多過我所有股票既總值.

    不過我相信慢慢累積, 第一個一百萬只係時間既問題. 希望30 歲前成功.

    回覆刪除
  2. 大口仔相信中投入股匯豐的機會不低,亦樂見其成。

    回覆刪除
  3. 不知市場先生,會否覺得,現在已經剛剛過了熊市第三期? 牛市第一期,現在開始了嗎?
    我不知道你是否100%持股,但如果你手上還巾現金,我本人覺得應該盡量靠呢段時間買貨,如果唔係,遲d未必有先生所講有"平貨"買了

    回覆刪除
  4. 中投入股匯豐其實係win win.
    呢幾個月都係長手hold 買貨好時機.有中投入股,匯豐可以買多D台灣銀行.到時真係和平統一了.

    回覆刪除
  5. 先生有冇留意UBS 7月17日減持 349 由 63,785,954股(5.14%)降至 63,056,954股(4.96%)

    持股5%以下再減持就無咁快知了.我估UBS 真係好需要錢.349私有既機會又大一點.匯豐買起UBS機會又大一點.

    回覆刪除
  6. 所言甚是.剛剛在$210 買了點2888, 也不會放, 讓其成為我的退休投資組合

    回覆刪除
  7. 回應Sam Cheng : 只要有恆心, 慢慢累積優質股, 第一個一百萬只係時間既問題.

    回應大口仔, ngkf : 中投入股匯豐, 對中投一定係好事.

    回應fishing_game : 我唔理會現時係熊市第幾期, 除非股市好瘋狂, 否則我會維持100%持股, 然後再儲錢再買. 現時我當然係100%持股.

    回應農婦 :2888可以永久持有.

    回覆刪除