星期日, 5月 18, 2008

存款準備金率

中國人民銀行早前宣佈由下星期二5月20日開始上調存款類金融機構人民幣存款準備金率0.5個百分點,至到歷史新高的16.5%, 亦係今年以來人行第4次上調存款準備金率. 存款準備金係中央銀行三大貨幣政策工具之一, 其餘兩項包括公開市場業務, 即係中央銀行透過在金融市場上買賣政府債券來控制和調節貨幣供應量, 以及再貼現政策, 再貼現即係金融機構以未到期的合格票據向中央銀行貼現, 獲得資金, 而中央銀行可以通過提高或降低再貼現率來影響金融機構向中央銀行借貸的成本,從而影響貨幣供應量.

存款準備金係指金融機構為保證客戶能夠提取存款以及有足夠資金進行結算而必須存在中央銀行的資金, 商業銀行唔能夠將存款準備金用作客戶貸款, 中央銀行要求的存款準備金佔金融機構存款總額的比例就係存款準備金率. 16.5%的存款準備金率表示金融機構每吸收100萬元的客戶存款,就要向央行繳存16.5萬元的存款準備金. 存款準備金又可分為法定存款準備金和超額存款準備金兩種。 法定存款準備金係指金融機構按法律規定必須存在中央銀行的資金,超額存款準備金係指金融機構存放在中央銀行而超出法定存款準備金的部分. 現時國內金融機構向中央銀行繳交存款準備金係有利息收的, 稱為存款準備金利率, 按筆者手上的資料, 人民銀行支付金融機構的存款準備金利率係1.89%. 比活期存款利率0.72厘高, 即係話, 國內銀行存準備金於央行仍然有錢賺. 如果一間銀行的超額存款準備率越高, 抵受存款準備金率再提升的能力就越大. 根據資料, 截至3月底國有銀行超額存款準備金率平均已降至1.5%.

台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

5 則留言:

  1. 存款準備金,在經濟出現下滑或減速時,對銀行盈利起了穩定作用。至少,不會因為貸款放緩而令毛利嚴重受壓,亦可避免熱錢太多。對於現時的經濟狀況,實在是必需。
    先生對有評論員指,國內銀行過去三年的美好時光將不復再,有甚麼見解?個人未見到有經濟下滑的風險,但也覺得早三年實在增長太快,根本不可能維持太久,未來似有放緩的趨勢,甚至增長率(撇除通脹影響)低於實質通脹率。
    不知先生有何見解?

    回覆刪除
  2. 想請教一下市場先生,

    其實宜家內地銀行貸款唔係已經limit左係存款既7成咩? (不嬲已經有30%buffer 比 16.5%要高好多....)

    所以我唔係好明 「貸存比」 同 「存款準備金率」之間既關係.. 希望先生指正一下小弟

    回覆刪除
  3. 咁咪只要吸納到存款就有錢賺 !

    另外,我覺得現在存備金高企,若他日放寬存備金比例,成為銀行業增長動力。

    回覆刪除
  4. 回應ET仔 : 國內銀行未來盈利增長會放緩係必然的事, 其實如果平均每年盈利增長有25%已經非常唔錯.

    回應SiMonChan : 假設一間銀行的貸存比係70%, 唔等於銀行可以抵受30%的存款準備金率, 因為銀行要保持足夠的流動性俾客戶提款, 另外, 銀行也會持有其他資產作投資.

    回覆刪除
  5. 回應巴林: 只能話, 一般來講, 存款準備金唔會令銀行蝕錢, 但唔能夠靠佢來賺錢.

    回覆刪除