星期四, 3月 27, 2008

修正2628中國人壽的數據表

多謝網友Eric Ng的指正, 昨晚post中國人壽的數據表其中04年和05年的每股內含價值和每股一年新業務價值係正確數字的一半. 原因係我用Excel 整理945宏利的數據表先, 因為宏利06年一股拆二股, 所以計算04年和05年的每股數字時, 我要將原本的數字除2, 用Excel 的方便之處係 copy and paste 之後將宏利的數據改為中國人壽的數據就搞掂. 不過, 我忘記改番04年和05年計算中國人壽每股內含價值和每股一年新業務價值的formula, 所以計出來的數字除多左2. 現在重新登出修正2628中國人壽的數據表. 可以睇到06年中國人壽的經營表現非常好, 一年新業務價值增長32.52%, 另類ROE有6.93%, 其實唔錯, 因為中國人壽於06年12月在國內A股上市, 所以06年期未的內含價值被一次性的股東資產淨值的增加而提升左唔少. 如果撇除呢d非經營壽險業務的內含價值增長, 其實另類ROE應該係改善左.

不過, 07年一年新業務價值的增長的確唔理想. 點解一年新業務價值的增長率咁重要? 首先要明白什麼是內含價值. 內含價值即係間保險公司現有業務的價值, 換句話說, 假設間保險公司唔再賣新保單, 只係將現有的業務run到完為止, 就係值內含價值咁多錢. 點解市場人士肯俾超過內含價值的價錢買一間保險公司的股票? 因為間保險公司會繼續賣新保單, 繼續發展業務, 所以我咁睇重一年新業務價值的增長率, 我會用最新內含價值 + 一年新業務價值乘一個倍數去計保險公司的價值. 如果一年新業務價值的增長率只有15%, 你認為出幾多倍new business value 才合理? 這是一個需要理性思考的問題, 我唔會因為自己持有中國人壽的股票而失去客觀的判斷.

另外, 今日從海證券交易所網頁印左中國人壽07年的業績報告, 詳盡好多, 足足有197頁, 睇完有新發現再update.

回應番薯仔 : 我仲未收到945的07年業績報告, 收到後我會整理好數據表再post出來.

回應Dong guan: 我會繼續持有手上13000股2628, 無意減持.




台灣yahoo: http://tw.myblog.yahoo.com/mr-market/
新浪Sina: http://graham_choi2003.mysinablog.com/
香港yahoo: http://hk.myblog.yahoo.com/mr-market/

5 則留言:

  1. 計埋人仔升值回報其實是OK的.仲有佢投資眼光好,最近入股VISA 都唔錯.

    我同意林森池講,天災係保險業既免費廣告.國內保險業仲有好多增長空間.

    不過呢輪好多QDII 基金輸大錢,賣基金較多的平保比較不利

    有時覺得阿爺叫停港股自由行都有道理.同意否?

    回覆刪除
  2. 先生咁有公信力,資料可以遲D post 上去,但希望準確為先,作日睇完都唔明,唯獨你唱反調,原來如此!

    回覆刪除
  3. 先生你好, 想請問一下先生你對中人壽在08年1月至2月份之保費入收增長有何看法呢(1月至2月之累計保費收入為587億元)

    DAN

    回覆刪除
  4. 咁先生會唔會轉向主力增持平保多D??

    回覆刪除
  5. 請問先生,既然不滿意中人壽的業績,那為何不把資金轉移到其他優質股,例如平保、匯豐?

    回覆刪除